సేవకు గుర్తింపు ఏది నీలం మధు ముదిరాజ్‌ కు ఎమ్మెల్సీ పదవి ఇవ్వాలి

పేదల సంక్షేమం కోసం నిరంతరం కృషి చేస్తూ, ఆపదలో ఉన్నవారికి అండగా నిలుస్తున్న నీలం మధు ముదిరాజ్‌కు కాంగ్రెస్ ప్రభుత్వం గవర్నర్ కోటాలో ఎమ్మెల్సీగా అవకాశం కల్పించాలని ముదిరాజ్ పోరాట సమితి రాష్ట్ర కార్యదర్శి టైగర్ రవీందర్ ముదిరాజ్ డిమాండ్ చేశారు. ప్రజాసేవలో ముందుండే నాయకుడికి రాజకీయంగా తగిన గుర్తింపు ఇవ్వడంతో పాటు, ముదిరాజ్ సామాజిక వర్గానికి సముచిత ప్రాధాన్యం కల్పించాలని కోరారు.
నీలం మధు ముదిరాజ్‌ను ఆయన కార్యాలయంలో మర్యాదపూర్వకంగా కలిసిన టైగర్ రవీందర్ ముదిరాజ్ సన్మానించారు. ఈ సందర్భంగా మాట్లాడుతూ.. నిరుపేద కుటుంబం నుంచి ఎదిగిన నీలం మధుకు సామాన్యుల కష్టాలు, పేదల సమస్యలపై పూర్తి అవగాహన ఉందన్నారు. కులమతాలకు అతీతంగా సాయం కోరిన వారికి తనకు తోచిన సహాయం అందిస్తూ ప్రజల మనిషిగా గుర్తింపు పొందారని పేర్కొన్నారు.
సేవ చేస్తున్న నాయకుడికి రాజకీయ అవకాశం లేదా?
స్వయంకృషితో ఎదిగి, సమాజసేవలో తనదైన ముద్ర వేసుకున్న నీలం మధు ముదిరాజ్‌కు ఎమ్మెల్సీ పదవి కల్పించాల్సిన అవసరం ఉందని టైగర్ రవీందర్ అన్నారు. ప్రజల కోసం పనిచేసే నాయకులకు రాజకీయ అవకాశాలు కల్పించినప్పుడే అట్టడుగు వర్గాలకు సరైన ప్రాతినిధ్యం లభిస్తుందని పేర్కొన్నారు. గవర్నర్ కోటాలో ఖాళీ కానున్న ఎమ్మెల్సీ స్థానానికి నీలం మధు పేరును కాంగ్రెస్ ప్రభుత్వం పరిశీలించాలని కోరారు.
ముదిరాజ్‌లకు సముచిత ప్రాధాన్యం కల్పించాలి
ముదిరాజ్ సామాజిక వర్గానికి రాజకీయంగా తగిన గుర్తింపు రావాల్సిన అవసరం ఉందని, నీలం మధుకు ఎమ్మెల్సీ అవకాశం కల్పిస్తే పేదలు, బడుగు బలహీన వర్గాల సమస్యలను శాసన మండలిలో వినిపించేందుకు అవకాశం ఏర్పడుతుందని టైగర్ రవీందర్ ఆశాభావం వ్యక్తం చేశారు. కాంగ్రెస్ అధిష్ఠానం ప్రజాసేవను గుర్తించి, నీలం మధు ముదిరాజ్‌కు ఎమ్మెల్సీగా అవకాశం కల్పించాలని ఆయన విజ్ఞప్తి చేశారు.కార్యక్రమంలో మహబూబ్‌నగర్ ముదిరాజ్ రాష్ట్ర కార్యదర్శిమేకల శివ, టైగర్ రవీందర్ కొమిరెడ్డిపల్లి మూడో వార్డు నెంబర్ మెంటే శ్రీనివాస్ , జిలకరి శ్రీశైలం, వెంకటేష్ తదితరులు పాల్గొన్నారు.